Амерыканка Уолш пабіла сусветны рэкорд у плаванні на 100 м батэрфляем

• 3.05.2025, 20:11

Двухразовая алімпійская чэмпіёнка палепшыла ўласнае дасягненне.

Амерыканская плыўчыха Грэтчэн Уолш устанавіла новы сусветны рэкорд на дыстанцыі 100 м батэрфляем.

У папярэднім заплыве на спаборніцтвах Pro Swim Series у Форт-Лодэрдэйле (ЗША) 22-гадовая Уолш паказала вынік 55,09 секунды.

Уолш палепшыла ўласнае дасягненне (55,18), устаноўленае ў чэрвені 2024 года.

Уолш у гэты момант таксама з'яўляецца рэкардсмэнкай свету на кароткай вадзе на дыстанцыях 50 м вольным стылем, 50 м і 100 м батэрфляем, а таксама 100 м комплексам.

На Алімпіядзе ў Парыжы Уолш заваявала два залатыя і два срэбныя медалі. Таксама на яе рахунку золата, срэбра і бронза чэмпіянату свету 2023 года.