Як Трамп перагуляў кіраўніка Крамля

• 4.05.2025, 6:00

Расейскія прапагандысты замітусіліся.

Амерыканскі лідар Дональд Трамп абвясціў 8 траўня Днём перамогі ў Другой сусветнай вайне, а 11 лістапада - Днём перамогі ў Першай сусветнай, заклікаўшы ЗША адзначаць абедзве перамогі. У той жа час кіраўнік Крамля Пуцін рыхтуецца да параду ў Маскве 9 траўня, а ўнёсак Штатаў у перамогу спрабуе пераменшыць.

Расейскі апазіцыйны журналіст Ігар Якавенка ў размове з «24 Каналам» адзначыў, што аналагічным займаюцца з экранаў федэральных каналаў і прапагандысты краіны-агрэсаркі, напрыклад, Сіманьян.

Што дэманструе Расея, прысвойваючы перамогу толькі сабе?

Са слоў журналіста, Сіманьян абясцэньвае важнасць амерыканскага лэнд-лізу падчас Другой сусветнай вайны і свядома хлусіць. Ён адзначыў, што доля ад агульнага лэнд-лізу, які быў вернуты, складае ўсяго некалькі адсоткаў, у межах 10.

- Трамп скраў у Пуціна перамогу і заяўляе, што ніводная краіна ў свеце не зрабіла большы ўнёсак у перамогу і ў Першай, і ў Другой сусветнай войнах, чым ЗША. Насамрэч іх унёсак вялізны. Усе гісторыкі выдатна разумеюць, што без лэнд-лізу Савецкі Саюз не вытрымаў бы, - адзначыў Якавенка.

Тэхніка, газа, харчаванне - усё гэта, як падкрэсліў журналіст, дазволіла СССР тады выстаяць. Аднак Расея працягвае дэманстраваць хамства і няўдзячнасць.

Адзначым, лэнд-ліз прадугледжваў дапамогу, якую ЗША з 1941 да 1945 года давалі хаўруснікам антыгітлераўскай кааліцыі, якая прадугледжвала, дарэчы, перадачу боепрыпасаў, вайсковай тэхнікі, харчавання, стратэгічнай сыравіны.