Вайсковы экспэрт: Украіна здольная пазбавіць Пуціна дару мовы

• 4.05.2025, 8:38

Кіеў пачаў выкарыстоўваць новую выцверажальную для РФ стратэгію.

Вайсковы экспэрт Алег Жданаў паведаміў, што ўдары па РФ будуць толькі ўзмацняцца, бо вайна пераходзіць на тэрыторыю ворага.

Наконт таго, што ў ноч на 3 траўня практычна не спалі жыхары Крыма і Растоўскай вобласці, Алег Жданаў сказаў: гэта толькі пачатак. Удараў будзе станавіцца ўсё больш, бо Украіна пераносіць вайну на варожую тэрыторыю.

У каментары ўдару дронамі па Крыме ўначы з 2 на 3 траўня вайсковы экспэрт адзначыў важны нюанс: «Пачакаем. Я думаю, што заўтра ці пазаўтра з’явіцца інфармацыя, а ў панядзелак мы з вамі ўжо пагаворым больш канкрэтна пра гэтыя ўдары. Дарэчы, я так разумею, яны будуць прадаўжацца, бо мы пераносім вайну на тэрыторыю ворага».

«Гэта вельмі эфектыўны спосаб, што на кожную ракету ці дрон, якая прыляцела да нас, будзе «адказ», і гэта павінен разумець кожны грамадзянін РФ. Калі яны моўчкі падтрымліваюць Пуціна ў гэтай агрэсіўнай вайне, дык будзьце гатовыя сустрэць гэтую вайну ў сябе ў двары, што і адбываецца на гэты момант. Гэта што тычыцца ваеннай абстаноўкі, якая адбываецца ў нашай краіне і вакол яе», - заявіў Алег Жданаў.