Літавец на аўто пратараніў загароду на мяжы з Беларуссю

• 4.05.2025, 15:34

Мужчыну затрымалі беларускія памежнікі.

У ноч з суботы на нядзелю літовец на каршэрынгавым аўтамабілі пратараніў памежную загароду з Беларуссю, паведамляюць літоўскія памежнікі.

Інцыдэнт здарыўся ў Віленскім раёне.

Кіроўца прабіў агароджу, устаноўленую на тэрыторыі Літвы, і апынуўся на лініі граніцы з беларускага боку.

Мужчына на аўтамабілі са знакамі транспартнай кампаніі ехаў на вялікай хуткасці па старой дарозе, якая ўпіраецца ў мяжу. На ёй стаяць два знакі: спачатку той, які абазначае тупік, а потым – які забараняе рух.

Кіроўца не заўважыў або праігнараваў іх і пратараніў два пралёты агароджы. У аўтамабілі спрацавалі падушкі бяспекі, пярэдняя частка аўто атрымала сур'ёзныя пашкоджанні.

Мужчыну затрымалі беларускія памежнікі.