Некаторыя краіны ЕЗ забаранілі пралёт самалёта Фіца ў Расею

• 4.05.2025, 18:32

Прэм'ер Славакіі пачаў скардзіцца.

Некаторыя краіны ЕЗ не жадаюць даваць дазвол на пралёт самалёта прэм'ер-міністра Славакіі Роберта Фіца ў Расею, куды ён плануе накіравацца для ўдзелу ў парадзе 9 траўня ў Маскве.

Пра гэта Фіца распавёў на прэс-канферэнцыі ў нядзелю, 4 траўня, паведамляе New Voice.

З ягоных слоў, некаторыя краіны Еўрапейскага звязу не жадаюць, каб урадавы самалёт пралятаў над імі.

«Гэта сорамна. Да чаго мы дайшлі?», - сказаў Фіца.

Пры гэтым ён не стаў удакладняць, пра якія менавіта краіны ідзе гаворка.

Прэм'ер Славакіі таксама пацвердзіў, што 9 траўня будзе ў Маскве.