УСУ ўдарылі HIMARS па расейскай штурмавой роце

• 6.05.2025, 16:02

Знішчаныя і параненыя дзясяткі акупантаў.

Уначы 2 траўня ўкраінскім войскам быў нанесены ракетны ўдар па месцы засяроджання вайскоўцаў падраздзялення штурмавой роты ля населенага пункта Мірнага Запарожскай вобласці, паведамляе канал «Досье Шпиона».

Удар нанесены з выкарыстаннем РСЗА «HIMARS».

Загінулі 22 вайскоўцы падраздзялення штурмавой роты 70-га мотастралковага палка 42-й мотастралковай дывізіі УС РФ (в/ч 71718, Шалі). З іх трое - афіцэры, піша канал. Звесткі аб параненых невядомыя.

Раней у раёне ўдару была адзначаная праца выведвальнага БПЛА, піша «Досье Шпиона».