У Беларусь прыляцеў прэзідэнт Гвінеі-Бісау

• 6.05.2025, 18:51

Ён сустрэнецца з Лукашэнкам.

Прэзідэнт Гвінеі-Бісау Умару Сісоку Эмбала 6 траўня прыбыў з візітам у Беларусь.

Як паведамілі ў прэс-службе Лукашэнкі, 7 траўня яны «абмяркуюць пытанні актывізацыі двухбаковага ўзаемадзеяння і развіцця супрацоўніцтва».

«Асаблівая ўвага - рэалізацыі ўзаемавыгадных праектаў у ключавых галінах эканомікі», - заявілі ў прэс-службе.

У лістападзе 2024 года Аляксандр Лукашэнка і Умару Сісоку Эмбала правялі кароткую сустрэчу ў Баку - на палях Сусветнага саміту ў барацьбе са змяненнем клімату.

Прэзідэнт Гвінеі-Бісау будзе знаходзіцца з візітам у Беларусі з 6 да 8 траўня.