Якое надвор'е чакаецца ў Беларусі 8 траўня

• 7.05.2025, 18:01

Замаразкі чакаюцца на большай частцы тэрыторыі краіны.

У Беларусі 8 траўня чакаюцца замаразкі да мінус 5 градусаў, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

На найбліжэйшыя некалькі дзён абвешчана штармавое папярэджанне.

Уначы прагназуецца пераменная воблачнасць, днём будзе воблачна з праясненнямі, пераважна без ападкаў, толькі днём месцамі па поўначы краіны пройдуць невялікія кароткачасовыя ападкі (дождж, магчымы мокры снег). Уначы і раніцай у асобных раёнах можа быць слабы туман. Вецер паўночна-заходні 3–8 м/с.

Замаразкі чакаюцца на большай частцы тэрыторыі краіны. Месцамі мінімальная тэмпература паветра складзе плюс 1 – плюс 3 градусы. Днём паветра прагрэецца да 6–12 градусаў.