Менчукоў папрасілі загадзя назапасіцца жэтонамі і праязнымі на метро

• 8.05.2025, 18:01

У чым справа.

Менчукоў папрасілі загадзя назапасіцца жэтонамі і праязнымі на метро - гэта звязанае з запланаванымі на 9 траўня ўрачыстасцямі, паведамілі ў метрапалітэне.

«У сувязі з правядзеннем культурна-масавых мерапрыемстваў, прымеркаваных да Дня Перамогі, у перадсвяточныя і святочныя дні Менскі метрапалітэн просіць пасажыраў загадзя набываць жэтоны і праязныя квіткі», — заклікалі на прадпрыемстве.

Там нагадалі, што на ўсіх станцыях метрапалітэна праезд можна аплаціць з дапамогай бескантактавых банкаўскіх картак і мабільнага сэрвісу «Аплаці».