Калас анансавала фінальны крок аб трыбунале для Пуціна

• 8.05.2025, 22:53

Праект Спецыяльнага трыбунала гатовы і чакае палітычнага адабрэння.

Вярхоўная прадстаўніца ЕЗ у замежных справах і палітыцы бяспекі Кая Калас 9 траўня ў Львове абвесціць аб выдзяленні Кіеву яшчэ 1 млрд еўраў на абарону, а таксама аб фінальным кроку па стварэнні Спецыяльнага трыбунала па злачынстве агрэсіі супраць Украіны. DW.

«Заўтра мы дадзім канчатковае палітычнае пацвярджэнне на стварэнне трыбунала ў ваенных злачынствах, злачынствах агрэсіі», - заявіла яна.

Праект Спецыяльнага трыбунала па злачынстве агрэсіі супраць Украіны гатовы і чакае палітычнага адабрэння. Яго неафіцыйна называюць «трыбуналам для Пуціна», бо ў міжнароднай юрыспрудэнцыі адказным за злачынства агрэсіі ўважаецца вышэйшае кіраўніцтва дзяржавы.