Канклаў абраў новага Папу Рымскага

• 8.05.2025, 19:18

З трубы на даху Сіксцінскай капліцы падняўся белы дым.

У Ватыкане скончыўся канклаў, на якім кардыналы Рымска-каталіцкай царквы абралі новага Папу Рымскага. Аб заканчэнні галасавання абвясціў белы дым з трубы на даху Сіксцінскай капліцы - сімвал таго, што адзін з кандыдатаў набраў больш за дзве траціны галасоў і стаў новым Папам.

Імя новага кіраўніка Каталіцкай царквы афіцыйна абвесцяць найбліжэйшым часам з цэнтральнага балкона сабора Святога Пятра. Тады ж стане вядома і ягонае папскае імя.

Канклаў пачаўся 7 траўня. Ён быў скліканы пасля смерці папярэдняга Папы - 88-гадовага Францішка, які ўзначальваў царкву з 2013 года. У галасаванні ўдзельнічалі больш за 130 кардыналаў з усяго свету. Яно праходзіла ва ўмовах строгай сакрэтнасці: удзельнікам было забаронена карыстацца тэлефонамі і іншымі сродкамі сувязі, доступ у Сіксцінскую капліцу для старонніх быў закрыты, а вайскоўцы размясцілі на тэрыторыі Ватыкана глушылкі.