Дэсантнікі УСУ знішчылі штурмавую калону акупантаў на Данеччыне

• 9.05.2025, 16:16

Акупанты спрабавалі атакаваць на матацыклах.

Вайскоўцы 46-й асобнай аэрамабільнай Падольскай брыгады Дэсантна-штурмавых войск Узброеных сіл Украіны знішчылі штурмавую калону расейскіх акупантаў на матацыклах на Пакроўскім накірунку.

Пра гэта паведаміла служба сувязяў з грамадскасцю ў сваім Тэлеграм-канале, апублікаваўшы адпаведнае відэа, змантаванае з кадраў, знятых дронамі-камікадзэ і беспілотнымі лятальнымі апаратамі.

У каментары пазначана, што на дарозе ў лесапаласе былі ліквідаваныя ўсе дваццаць інтэрвентаў і іх чатырнаццаць матацыклаў.