«Дзе вы былі раней?»

• 9.05.2025, 21:44

Беларус паказаў, як аплаціць на касе, калі размагніцілася карта.

Беларус апублікаваў у TikTok відэа, у якім падзяліўся сваім лайфхакам на выпадак, калі размагніцілася банкаўская карта і не праходзіць аплата з ёй на касах. Яму для развязання гэтай праблемы спатрэбіліся толькі два пальцы. Каментатары сталі дзяліцца сваімі лайфхакамі, піша Telegraf.news.

«Паказваю, як развязаць праблему, калі размагніцілася карта. Прыкладваю – бачыце, аплата не праходзіць, гэта значыць, картка проста не спрацоўвае. Заціскаем чып двума пальцамі, яшчэ раз прыхінаем – і аплата прайшла», – расказаў на відэа ягоны аўтар.

«Знізу тэрмінала ўставіць яе можна на крайняк», – падзяліўся сваім метадам адзін каментатар. Яго падтрымалі 67 лайкамі.

«Гэта не размагніцілася, а чып здыхае. У большасці банкаў замена карты бясплатная», – напісаў іншы. Трэці сказаў, што ён з такой праблемай ні разу не сутыкаўся: «Ні разу не было такога з 2002 году. Толькі плёнка адслойвалася ад карты. Калі яшчэ былі карты нават без чыпаў і бескантактавай аплаты».

А вось для яшчэ адной каментатаркі лайфхак быў актуальны: «Дзе вы былі раней? А я карту перавыпусціла. Дзякуй, буду ведаць цяпер».

Камусьці ж дапамагло… пацерці карту аб галаву: «Помню, была такая сітуацыя: не прабівалася, нават калі ўстаўляў і ўводзіў пін. У выніку пацёр аб галаву – і яна спрацавала».