Марскі бой: ГУВ Украіны паказала навінкі, якімі атакуе расейцаў у Чорным моры
- 9.05.2025, 21:20
Украінскія абаронцы сталі першаадкрывальнікамі новай тактыкі вядзення сучаснай вайны.
У Кіеве ў кінатэатры «Жовтень» украінскія вайсковыя выведнікі паказалі фільм пра марскія дроны, якія яны выкарыстоўваюць супраць РФ, і якія сталі першаадкрывальнікамі новай тактыкі вядзення сучаснай вайны з выкарыстаннем беспілотнікаў, піша dialog.ua.
Сярод іншага ў стужцы «Марскі бой. Эпоха дронаў» паказаныя два новыя тыпы марскіх ударных беспілотнікаў. Яны маюць шэраг канструктыўных адрозненняў ад распрацаваных і неаднаразова дэманстраваных раней надводных дронаў Magura v5.
Дарэчы, першы мае звычайны лодачны рухавік з лопасцямі, а не вадамётны і нясе 4 кантэйнеры з паветранымі FPV-дронамі.
«Гэтая марская платформа нясе ад 500 да 3000 кілаграмаў узбраення рознага тыпу - паветранага, надводнага і падводнага. Сістэма выкарыстоўвае найноўшыя тэхналогіі, аб'яднаныя штучным інтэлектам», - распавялі ў ГУВ.
Іншы новы робат абсталяваны пускавой устаноўкай для 4 БПЛА розных тыпаў. Адзначаецца, што гэтая мадэль неаднаразова выкарыстоўвалася для знішчэння варожых цэляў у акупаваным Крыме. Менавіта з такога дрона ў красавіку былі знішчаныя некалькі катэраў расейцаў і комплекс СПА «Тор-М2».